Actualitads

Success per la Ligia Grischa
alla Concurrenza Svizra dals Chors

Il Chor viril Ligia Grischa ha partecipau alla Concurrenza Svizra dals Chors dils 2 – 4 da fevrer 2024 a Cuera e contonschiu ella categoria B3, chors virils gronds, cun 22.7 puncts la victoria ed il predicat aur. Quei ei in ulteriur success pil directur Christoph Cajöri cun la Ligia Grischa – cordiala gratulaziun.

Sut igl Ischi 2024 –
600 onns Ligia Grischa

La fundaziun dalla Ligia Grischa igl onn 1424 a Trun sut igl Ischi ei stau in eveniment historic da gronda impurtonza pigl entir cantun Grischun. Quei eveniment vegn commemoraus cun festivitads commensuradas. Era il chor viril Ligia Grischa astga partecipar allas festividas en rama dil project «La Ligia Grischa sin viadi historic». Ils concerts han liug sco suonda:

27-04-2024, Concert a Trun
28-04-2024, Concert a Mesauc
04-05-2024, Concert a Ilanz/Glion
05-05-2024, Concert a Domat/Ems

Dapli infurmaziuns

La Ligia Grischa al Concert da Gala dalla Fiasta Federala da Costums a Turitg

Dils 28 – 30 da zercladur 2024 ha liug a Turitg la Fiasta Federala da Costums ed il Chor viril LIgia Grischa ei envidaus da partecipar al Concert da gala che ha liug la sonda, ils 29 da zercladur allas 20 uras ella baselgia da S. Pieder. Quater chors da vaglia dall’entira svizra representan la multifaradad da nossa cultura cantica. Il concert da gala ei il punct culminont dallas presentaziuns canticas.

Il chor

  • Entschatta

    Il Chor viril Ligia Grischa ei vegnius fundaus igl onn 1852 sin iniziativa dil plevon ser Gion Martin Darms da Flond, da gliez temps plevon a Castrisch. Ils emprems statuts dil chor ein vegni suttascrets ils 6 da fevrer 1853 a Sagogn, e quei da 24 commembers dallas vischnauncas da Castrisch, Duin, Flem, Flond, Glion, Luven, Pitasch, Riein, Sagogn, Schnaus, Sevgein e Valendau, pia dalla regiun reformada dalla Foppa. Gl’emprem quart tschentaner ei il chor seformaus quasi sulettamein da cantadurs dallas vischnauncas numnadas. Naven dil secund onn d’existenza ein aunc cantadurs da Trin vegni vitier. Intent dalla fundaziun eis ei stau da promover il cant romantsch viril e da representar quel allas fiastas da cant cantunalas e federalas. Quei ha la Ligia Grischa – aschia vegn il chor vegn per regla numnaus – fatg regularmein dapi sia fundaziun. L’emprema fiasta da cant federala ha la Ligia Grischa visitau gl’onn 1862 a Cuera, la davosa ei stada 2022 a Gossau.

  • Svilup

    Ils emprems onns da sia existenza ha la Ligia Grischa surtut giu da cumbatter cun problems organisatorics: nua, cu e co far ils exercezis da cant, essend ch’ils cantadurs eran spatitschai lunsch entuorn. Rimnar cantadurs d’in vast contuorn era da gliez temps ina caussa stentusa. Quei problem ei staus actuals tochen che la lingia dalla viafier da Cuera a Glion ei vegnida aviarta igl onn 1903 e 1912 quella da Glion a Mustér. Da lu naven ei il viadi a Glion allas emprovas da cant vegnius levgiaus grondamein pils cantadurs da pli lunsch. Aunc bia pli sempels ein ils viadis daventai il mument ch'ina gronda part dils commembers ha giu in agen auto. Ils emprems siat decennis han dirigents amaturs dirigiu il chor viril Ligia Grischa, per regla scolasts. Naven digl onn 1924 stat el sut la direcziun da musicists professiunals. Igl emprem ei staus Robert Cantieni, il cumponist dalla renomada canzun «Chara lingua da la mamma ». Ad el ein suandai Hans Lavater, Turitg, Walter Aeschbacher Berna/Basilea, Ernst Schweri, Cuera, Gion Giusep Derungs, Surcasti/Cuera e Peter Appenzeller, Feldmeilen/Sogn Murezi. Sut tut quels dirigents professiunals ha il chor giu biars gronds success a caschun da concerts e fiastas da cant, seigi quei federalas, cantunalas ni districtualas.

  • Present

    Oz stat la Ligia Grischa sut la direcziun da Christoph Cajöri, carschius si a Tusaun e sesents a Baden/AG. La Ligia Grischa dat a ses commembers la caschun d’emprender, ultra dallas canzuns tradiziunalas romontschas, era ovras musicalas pli pretensiusas che san buca vegnir cantadas en mintga chor d’in vitg. Siu program presenta il chor a caschun dils concerts annuals e magari era per occurrenzas specialas. Cheu in cuort sguard anavos sillas producziuns dils davos onns:

    2023: Concert a Glion – «La Ligia Grischa – 78 cantadurs… e dus musicants» – PDF Concert 2023

    2022: Registraziun dil niev portatun cul tetel «La Ligia Grischa sin viadi» cun ovras da Duri Sialm, Hans Erni, Gion Giusep Derungs, Dmitri Bortniansky, Gion Antoni Derungs, Gion Balzer Casanova, Gion Andrea Casanova, Tumasch Dolf, Benedetg Dolf, Joseph Bovet, Paul Miche, Kurt Weill. Batten dil DC al concert dils 22 da matg 2022 a Glion.

    2022: Partecipaziun alla Fiasta da cant Svizra a Gossau cun la nota 6. Concert da gala ella Andreaskirche en cooperaziun cul Chor viril Lumnezia e cul Chor viril Surses.

    2019: Concerts a Ziraun e Glion – «Dalla Russia a Maton – ed anavos» – cun ovras da Tumasch e Benedetg Dolf e diversas canzuns ord la liturgia ortodoxa; cooperaziun Johanna Baer, harpa – PDF Concert 2019

    2019: Concert communabel cul chor Pro Arte el Münster da Berna cun ovras da Benedetg e Tumasch Dolfed ord la liturgia ortodoxa – PDF Concert Bern 2019

    2018: Concerts a Breil ed a Glion – «Romontsch – Romatic» cun ovras da Benedetg Dolf, Gion Giusep Derungs, Franz Schubert, Edvard Grieg e Jean Sibelius; cooperaziun Pawel Mazurkiewicz, clavazin – PDF Concert 2018

    2018: Partecipaziun alla Fiasta cantunala da cant a Clavenna (Chiavenna) - predicat «exzellent»

    2017: Concert da gala a caschuna dalla fiasta da cant districtuala a Falera ensemen cul Cantus Firmus – ovras da Gion Giusep Derungs, Gion Antoni Derungs, Joseph Bovet, Flavio Bundi, Hans Lavater, Kurt Weill, Tumasch Dolf e Gion Balzer Casanova – PDF Concert da Gala 2017 Falera

    2017: Partecipaziun alla Fiasta da cant districtuala a Falera – predicat «exzellent»

    2017: Concert el KKL a Lucerna – «Grischun cunter Malaria» ensemen cun Cantus Firmus e Incantanti – PDF Concert KKL 2017

    2016: Concerts a Cuera ed a Glion - «Rheinberger plus...» – messa en B-dur op. 172 da Josef Gabriel Rheinberger cun accumpignament dalla Filharmonia Grischuna, vinavon ovras da Hans Lavater, Luigi Cherubini, Gion Balzer Casanova, Gioacchino Rossini e Flavio Bundi

    Beinvegnius el chor viril Ligia Grischa ei scadin che ha plascher dil cant e ch’ei promts da far part stediamein da 15 tochen 20 exercezis ad onn. Quels han per regla liug naven dalla fin october entochen miez matg mintgamai la dumengia sera dallas 19:00 tochen las 22:00 en casa da scola a Glion.

La direcziun

  • Il directur actual

  • Christoph Cajöri ei naschius e carschius si a Tusaun. Suenter la matura ha el absolviu gl’emprem in studi da musica sil cello e concludiu quel al Conservatori a Turitg cul diplom da scolast e da concert. Dasperas eis el seperfecziunaus en cant solistic sco era direcziun da chors ed orchesters. Cun differents studis specifics d’ovras tier dirigents reputai, denter auter Bernard Haitink e sir Colin Davis, ha el cumplettau sia scolaziun.

  • Da 1984 tochen 1988 ha el dirigiu chor ed orchester dalla Universitad da Basilea. Denter 1989 e 1999 ha Christoph Cajöri dirigiu igl Orchester da combra dil Grischun, oz Kammer-Philharmonie Grischun. 1993 ha el surpriu, sco successur dad André Charlet, la direcziun dalla «Basler Liedertafel». La primavera 2005 ha el puspei surdau quei chor suenter 12 onns da success. Oz diregia el – sper il chor viril Ligia Grischa – igl ensemble «Cant’animato» ed il chor da concert «Pro Arte» a Berna.

  • Puncts culminonts da sia activitad ein mintgamai ils concerts culs orchesters sinfonics principals (Tonhalle-Orchester Turitg, Sinfonie-Orchester Basilea, Sinfonie-Orchester Berna, basel sinfonietta e.a.v.) ellas grondas baselgias e salas da concerts en Svizra. Da 1999 tochen 2008 ei Christoph Cajöri staus engaschaus tier Radio DRS sco redactur per musica da chors. Plinavon eis el viagiaus naven dalla primavera 2017 tras la Svizra cul program «Kreislereien», ina atgna producziun cun canzuns da Georg Kreisler. La premiera ei stada ils 17 da fevrer 2017 a Falera.

Ils directurs d’honur

  • Peter Appenzeller 1999 – 2012

  • Gion Giusep Derungs 1985 – 1998

  • Ernst Schweri 1969 – 1984

  • Walter Aeschbacher 1944 – 1968

  • Hans Lavatar 1932 – 1943

  • Gion Martin Darms 1855 – 1888

Ils commembers

  • La suprastonza

    Mathias Pfister, parsura
    Gabriel Derungs, viceparsura
    Christoph Cajöri, directur
    Andreas Cadonau, actuar
    Curdin Cadonau, cassier
    Gieri Cavigelli, archivar/bibliotecar
    Jakob Niedermann, assessur
    Christian Casanova, assessur

Ils cantadurs actuals

1. tenor
  • Aluis Caviezel (Laax)
    Roland Maron (Cuera)
    Fridolin Caviezel (Laax)
    Carli Collenberg (Cumbel)
    Flavio Murer (Mustér)
    Reto Bearth (Rabius)
    Walter Schenker (Panaduz)
    Ruedi Schneider (Cumpadials)
    Werner Schmed (Mustér)
    Werner Curschellas (Domat/Ems)
    Damian Cadalbert (Sevgein)
    Rumetg Cathomen (Falera)
    Rico Gartmann (Falera)
    Meinrad Livers (Trun)
    Marcus Cathomen (Breil)
    Augustin Beeli (Sagogn)
    Werner Carigiet (Glion)
    Patrick Müller (Zizers)
2. tenor
  • Erwin Ardüser (Laax)
    Aurelio Casanova (Glion)
    Gieri Cavigelli (Mustér)
    Norbert Carigiet (Glion)
    Gabriel Derungs (Glion)
    Mathias Pfister (Cuera)
    Marcus Walder (Sevgein)
    Peider Andri Parli (Cuera)
    David Tiri (Trun)
    Rüdiger Deering (Alvagni)
    Andreas Cadonau (Vuorz)
    Meinrad Schmed (Breil)
    Rinaldo Pfister (Trun)
    Beat Manetsch (Flond)
    Mattiu Cathomen (Tumein)
    Carl Hassler (Glion)
    Markus Leo Kaiser (Schlans)
    Nick Ulmer (Mustér)
1. bass
  • Andreas Pfister (Breil)
    Josef Cadruvi (Schluein)
    Christian Coray (Laax)
    Jakob Niedermann (Domat)
    Rudolf Steinhauser (Sagogn)
    Edwin Huonder (Rabius)
    Curdin Cadonau (Vuorz)
    Rainer Künzle (Cuera)
    Bruno Bundi (Vuorz)
    Sino Hunger (Vuorz)
    Martin Gabriel (Glion)
    Robert Veraguth (Vuorz)
    Urban Maissen (Glion)
    Jan-Andrea Bernhard (Glion)
    Peter Falkenreck (Ladir)
    Anselm Caminada (Sagogn)
    Marcus Friberg (Breil)
    Michael Friberg (Breil)
    Pius Derungs (Siat)
2. bass
  • Felix Jörimann (Tumein)
    Ewald Vinzens (Ruschein)
    Christian Casanova (Rueun)
    Linus Casutt (Falera)
    Gaudenz Coray (Laax)
    Walter Candrian (Sagogn)
    Adrian Cadalbert (Sevgein)
    Murezi Bertogg (Castrisch)
    Urs Probst (Mustér)
    Sebastian Boss (Flem-Vitg)
    Andreas Pfister (Glion)
    Martin Ackermann (Siat)
    Jacob Pfister (Vuorz)
    Balzer Arpagaus (Sagogn)
    Theo Cavegn (Breil)
    Julius Coray (Ruschein)
    Marc Pfister (Vuorz)

Plan d’emprovas actual

Reminiscenzas ord igl onn 1979

tier il video

Discografia

Contact

Vul era ti daventar commember dalla Ligia Grischa?
Ni has forsa ina damonda?
Nus selegrein da mintga resun.
Cordial engraziament a nos sponsurs